Desde o pasado 8 de outubro e ata o día 12, a sala de exposicións do Concello do Rosal acolle dúas exposicións con motivo da celebración da Festa do Pilar e da XXIV Lembranza ao Cabaqueiro.
Unha delas é do deseñador gráfico e licenciado en Belas Artes  IAGO RIERA  e comprende unha ampla mostra de collage e técnica mixta sobre tela. O autor vigués conta no seu haber  cunha gran experiencia en exposicións e concursos, nos que foron seleccionadas o premiadas obras da súa autoría, tanto dentro como fóra de Galicia.
Xunto a Iago Riera tamén expón MARÍA DEL CARMEN GONZÁLEZ , veciña de Tui,  cunha pequena mostra de óleo e unha máis ampla mostra de punto de cruz, manualidade reflectida en toallas, mantelerías, cadros e outros detalles desta técnica de bordado sobre tela.
Relacionado coa Lembranza ao Cabaqueiro exponse fotografías antigas e recentes deste recoñecido e homenaxeado oficio e dúas maquetas do noso veciño PRAXÍTELES GONZÁLEZ.