O pasado sábado 12 de novembro no Auditorio Municipal, dentro da programación cultural do Concello do Rosal  para este outono, estivo con nós o grupo folclórico de Baile INQUEDANZAS.
Este estupendo grupo pertence á Asociación Cultural “Aloia” de Pazos de Reis (Tui) e xa leva vinte e cinco anos promocionando,  por moi diversos lugares da xeografía española,  Italia e  Portugal, a nosa música e danza tradicionais.
Máis de metade dos seus compoñentes, dun total de 70, ofrecéronnos un amplo repertorio  de pezas de música e bailes recuperados do noso folclore e outras de creación propia.
Estiveron acompañados polo seu mestre Alexandre F. Castro  e deron mostra do magnífico, coidadoso e exquisito traballo de grupo  e do agarimo que este grupo sente pola nosa identidade e tradicións.
Felicidades a todos eles.