| Exposición “O BAIXO MIÑO: ESPAZO NATURAL INTERNACIONAL” |  |  |  |
 A Sala de Exposicións do Concello do Rosal acolle desde o pasado día 9 de xaneiro e ata o vindeiro día 25 deste mesmo mes a exposición itinerante “O Baixo Miño: Espazo natural internacional”, realizada dentro do programa operativo de cooperación transfronteiriza España-Portugal cofinanciado con fondos FEDER. Consta de 11 paneis explicativos e da proxección dun vídeo de 18 minutos de duración a través dos que coñeceremos os recursos do Baixo Miño, ecosistemas, formas de vida, actividade pesqueira, plans de conservación e protección das especies máis importantes e representativas…., en definitiva coñeceremos un espazo natural do que formamos parte, co que convivimos e que é necesario coñecer para respectalo e protexelo. Ademais, recoméndanse unha serie de itinerarios que percorren o río Miño no seu tramo final, desde Crecente ata a Guarda, para todos aqueles que lles guste gozar da natureza. |